對話１

「唔係你幫唔到我手，
　只係呢行o係香港愈來愈無得做喇，
　呢十年愈做愈萎縮，錢愈來愈少，
　Ｄ客就愈來愈唔信agency，
　愈來愈無say，成功感就愈來愈細。
　襯你愈細愈要諗第時自己想點呀！

　初初做o個幾年真係會覺得好好玩，
　錢又真係會搵得比人多，但做做下你就會覺得好迷失，
　你問返自己當初點解要做廣告，
　你會發覺原來咁多年來只不過係做做做。

　呢行太多問題喇，始終話事o個個又唔係你，
　有時你明知件事係錯，個客咁做係唔岩係too much，
　咁又點呀？你咪又係要照佢地意思去做去改！
　你同佢地嘈得幾多次？佢地都係打工架咋！
　佢地根本就係don't fucking care！
　又要平又要靚又要改又要快又要唔好錯，
　final outcome面目全非，賣唔到野又會怪你，
　個客郁Ｄ就同個ＭＤ投訴，個ＭＤ實會嘈到拆天，
　ＥＣＤ又實會俾返壓力落creative到，惡性循環。

　做o左咁多年，睇住Ｄ前輩做到咁上下就轉做導演，
　做影相，做執相，
　再唔係就自己攪生意，有人做廚，有人教書，
　總之就係要自己轉型，唔好做死廣告一行。
　又有Ｄ新人做o左幾年之後，無o左影，要做返客。

　不過你又唔好覺得好灰住，你都係出來做野幾年啫，
　其實呢行重有好多野你都未試過，
　你應該爭取o係唔同公司做多Ｄ唔同o既客，
　學多Ｄ知多Ｄ，做多幾年都重得，
　不過就真係返工同時又諗下自己鐘意Ｄ咩，
　得閒睇多Ｄ野，去多Ｄ旅行，咁你就會開心Ｄ架啦，
　時間又好過Ｄ！
　呢行係睇經濟架咋，經濟好你做咩都得，洗錢好似倒水咁，
　從來唔會有人過問你點解要咁做。
　係呢個時勢，好多公司炒得就炒，Ｄ人又自己走得就走，
　炒得多走得多點都要請人架啦，埃得過，就唔同講法喇！」